"لاتشغل افكارك" - مفرح الضمني

رد مفرح على قصيدة بدر بن مدوخ بن ظمنه:
خط لفاني من رفيق موالي

أهلاً هلابه عد ماسايل سال
أحلا من السكر بدر المتالي

ساعة قريته عنى الهم ينزال
يشكي من الدنيا حمول ثقالي

وما يرتكى للحمل ياكود رجال
يا بدر ماتلقا لقوه الرجالي

دنياك مادامت لشملان وهلال
تجيك مابين الخطا والعدالي

واصبر ولا تجزع إلى حال بك حال
ان أقبلت ترقيك روس الجبالي

ويصير لك بين الأجاويد منزال
وان ادبرت تقعد بجرف هيالي

ماينفعك يابدر عم ولا خال
من قلب الدنيا وقع بالهبالي

واتعب حياته بين الأقفا والأقبال
لاتشغل افكارك بقليل وقالي

يابوخلف لاتستمع قول قوال
يابدر لك رب عليه اتكالي

ومن إتكل بالله يعطيه الأقبال
الله له الأول وما كان تالي

يحيي العظام البالية عقب الأهزال
يالله يامعطي العطايا الجزالي

تكتب لنا عندك حسينات الأعمال
والختم صلوا ياولاد الحلالي

على نبي خصه الله بالأرسال
© 2024 - موقع الشعر