حي الكتاب" - مفرح الضمني

رد الظمني على قصيدة فهد بن جبرين:
حي الكتاب اللي لفاني مسجل

تسجيل بيطار وكتبه ذريفي
اهلاً هلابه عد ماوابل هل

في مد لهمن والرعد له رجيفي
ساعة قريت الخط قمت أتولول

وامسيت من كثر الروابع نحيفي
كني على نار لواني على زل

والنوم ماهو للنواظر حليفي
فهد شكالي ما جراله وكمل

وانا على النخوات ماني قظيفي
يشكي فراق صويحبه عايز الدل

حلو خياله والمذاهب عفيفي
انا ما شفته مير فيه يتغزل

يقول ماله بالعذارا وصيفي
قم يافهد نبدي عملنا ونعمل

رجلي برجلك لو طريقه كليفي
والله لمشي لين رجلي تنكل

وان كلت الرجلين لزحف زحيفي
نبدي لهم بالجاه والمال يبذل

ماني على الدنيا بخيل حتيفي
والا بضرب اللي حديده مصقل

بمهندن يوم الملاقا رهيفي
اما نجيب اللي كلامه معسل

والا تصدر من جنابه معيفي
هذا وغير اللي حصل ما تدخل

وابصر بحالك وانتبه للرصيفي
واحذرك عشاق يجي بآخره غل

يحرق ثيابك وانت ثوبك نظيفي
وارجي من الله في عشيرك تعقل

تقضي مع الصاحب ربيع ومصيفي
وياللي سمعت القول على النبي صل

شفيع المة بالنهار الكسيفي
© 2024 - موقع الشعر