يابوي

لـ ، ، في غير مُحدد

في والده عندما سافر بعيداً عنه:
يامل قلب صايرن فيه دكاك

راحت مع الغربي تكافخ طيوره
يالطرقي اللي عندنا صار ملفاك

عينت لي دار عساها معموره
قال افتهم والعلم ما عاد يخفاك

ما ينكمي سر طلع من صدوره
لك شايب يفرح بشوفك وطرياك

يطلب جميلك عقب زلت عصوره
عودن كبير وحده البعد ماجاك

من بعدكم راحت تعمس اموره
يابوي انا لو رحت بالبعد ما انساك

ما انساك لو طالبت علي الشهوره
والبعد ما يشكل عسا اللاش يفداك

ماني بنذل قاصراتن شبوره
اجيك انا يابوي في دور الأفلاك

والحي لابده لحيه يزوره
بعد ثلاث شهور يابوي لنصاك

لو صارت الرخصة علي محجوره
واسلم وسلم لي على من يوراك

واللي عليك الخط يقرا سطوره
***


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر