"موتري شاريك" - مفرح الضمني

قصيدة في الأمير ذعار يعقوب الحميداني المطيري:
موتري شاريك لي قصد ولزومي

ما شريتك للوظيفه والاداره
لا تروعك الفيافي والحزومي

حالفن لقصاك لو تونس حراره
موتري خلك على الطرقه جزومي

ودني لذعار لو تبعد دياره
ودني قرمن تنصاه القرومي

الامير اللي زها ثوب الاماره
شوف ابو يعقوب ينسيني همومي

موعدينه بالسلام وبالزياره
يالحميداني عسا عمرك يدومي

دامت أيامك على عز ووقاره
وعندما سمع القصيدة عبر الاذاعة قال ذعار الحميداني:

سلم على مفرح يا فلاح
القرم راع المواجيبي

يا لو حضر دورنا اللي راح
ليجيك فعله على الشيبي

***
© 2024 - موقع الشعر