"قدوم رمضان"

هلا باللافي اللي يوم جانا ماكرهناه
فرحنا في قدومه عاده المولى علينا

هلا بك يارمضان اللي هل الطاعة تمناه
جعل ربي ليالك رحمتن للمسلمينا

لفا شهرن فضيل ولك مسلم يكثر دعاه
فرضه الله على المسلم ولأمره طايعينا

لياله باوله رحمه وتاليها مناجاه
وربي فاتحن باب الفرج للصايمينا

الا ياهني من صامه وفيه الفرض صلاه
ولقى الوجه للقبله مع اللي خاشعينا

والا ياويل من يعرض عن صيامه وخلاه
يبي يتبع شهوت النفس وابليس اللعينا

وإلى خانت به الأقدار وركابه مثناه
بيومن تشهد اليسرى على فعل اليمينا

أحد عمله كسب له خير واحد عمله اغواه
جزا اهل الخير عند الله جنان الخالدينا

تعبد والتزم ياللي ترجا الله وتقواه
ولا يغنيك دون الله مالك والبنينا

واختما صلاة الله عدد ما حل طرياه
على محمد نبي الله والأصحاب اجمعينا

***