مـوفـقــه خــيـــر ..

موفقه خير .. والله لايهين الغرام
اللي جمعنا عن عيون الاودام سوا

صحيح مشتاق لك .. لكن عليّ الحرام
إن وصّلت عند هذا الحد / مالك لوا

قبل أمس مالي على طاري فراقك عظام
اطيح وأقوم .. لا حيله ولا لي قوا

واليوم ابشّرك .. نار البعد ..( برد وسلام )
لو خاطري من ينابيع الهوى .. ماروا

تبين عاد الكلام اللي عليه الكلام
النفس طابت وشامّت عن دروب الهوا

وإن حّن قلبي على الماضي .. عليه الملام
حتى ايش لو إن بعدك ( داء) .. وقربك ( دوا )

تذكّري مثل هذا اليوم في كل عام
وتذكريني .. وشّبي لي شموع النوا

ماعاد لك عندي الا الود والاحترام
والا علوم المحبه .. لا .. ولا لك لوا