الاجازه

لـ مشعان البراق، ، بواسطة مشعان البراق، في غير مُحدد

الاجازه - مشعان البراق

ااااالله .. ياحلو السوالف بطّاريك
اسكت .. ولا ادري وش يدور بضميري

غالي ومن زود الغلا ويش اسميّك
ياحلوي ومرّي وشري وخير

فتحت لك قلبي .. وربي محييّك
وشلْتك هنيا في محاجر نظيري

وخليت لك كل المشاعر مماليك
وأخذت حتى مع قليلي .. كثيري

ياجعلني ما اذوق حزنك ولا ابكيك
إجازتك .. سولف بها عند غيري

لاعاد تطريها .. وانا يامحاكيك
ياضيقتي .. مدري ياحوسة مريري

ايوالله .. احبك .. واقدّرك .. واغليك
وأخاف حبك لايعرقل مسيري

ماهوب حب وبس ! لااااا ( ميتٍ فيك )
لو كان مايربط مصيرك .. مصيري

© 2024 - موقع الشعر