مسافـر

انا مسافر واعتذر عن غيابي
ان كان ماشفتيني اليوم موجود

يامن عشانك كل جرح ٍ سطا بي
وانا اعتبر ماجاني سهود ومهود

لعيونك اضحّي بزهرة شبابي
ولاني بحاسب دونك النقص والزود

اما ان حبك لاغدا بي .. غدا بي
والا طريق الموت .. مفروشٍ ورود

نوّخت لك على المحبه ركابي
وشكرت لاقدار الزمن كل مجهود

وسلّمت لك قلب ٍ ماهوب امتحابي
وعديّتي حدودٍ ماهي بأية حدود

وان كان ماتدرين .. لاواعذابي
عزالله اني من ضحاياك مفقود

لدّي وشوفيني .. وشوفي صوابي
ادنى مايثّر فيّ .. لو نسمة النود

يالغاليه / حبل الغرام الّتوا بي
اقولها .. ( وآخر تواقيعي شهود )