أطرم وأعمى !! - مشاري المري

الله أكبر عقب كم يوم لي عشرين يوم
وإنشراحة صدري أبعد علي إمن السما

كل صبح أسرح مع الهم بكبار العزوم
لجل ماأخسر من ربوعي كهل ولاّ نما

وكل ماقرب المسا .. أرتبك وأجلس وأقوم
والله إن كني ( محافظ ) بياتيه ( زعما )

داري إن الليل يثّر على الرجل الكتوم
اللي ماكن له لسان وشفَتين وجما

خص .. الى قدهو حياوي وعاشق ومحروم
من كذا حاجه فباله ومن عذب اللّما

آآه .... من جرحٍ بكبدي يليته مايدوم
موجعٍ كبدي والى قدهو بيبرى نما

إيتشالا يوم يقلط عليّ بعض القروم
اللي أرداهم الى حسّني شي إحتما

ويتناما .. من مجامل مكبّرت العلوم
اللي صوت أطيبهم إن ذمني شخص يهما

جرح .. ماتنفع به حبوب أبو ( عند اللزوم )
لا ذكرت اللي ورا حظ ورجال ودما

صاحب ٍ لا جيت بشكيه همي ف الحلوم
أنهض من النوم متروّع وميّت ظما

وكني الى جيت بشرح له أسباب الهموم
أطرم ٍ يبغي يوصل شعوره َلعَما

© 2024 - موقع الشعر