الام

لـ ، ، في غير مُحدد

الخاطر اللي جذبني في جديد القصيد
ينسج بعذب الحروف اسمى معانيها

شاعر ولي في بنوك الشعر مجد ورصيد
اهيجن القاف فابياتي واغنيها

والفكره الطيبة ما هي لحبٍ جديد
من جيت في دنيتي روحي بياديها

يا كثر عشقي لها والله عليم وشهيد
يا جعل ربي يخليها لغاليها

يلين معها خفوقٍ بالمواقف شديد
ولافيه مخلوق بالدنيا يساويها

الوالده حبها يمشي بدم الوريد
ابيع من شانها الدنيا وما فيها

يمه فلا تحسبيني عن غلاك استحيد
لو دنيتي تبتليني في بلاويها

يمه غلاك افتخر به كل ماكبر يزيد
يالله يالله يا ربي تخليها

اقسم بربي قسم انتي غلاي الاكيد
ملكتي الروح باولها وتاليها

ليا رضيتي تراني في حياتي سعيد
واقول دنياي تسعدني امانيها

وان غبتي اشوي كني في حياتي وحيد
اساير الهم وادموعي اخبيها

وان صار لج شي كني عن بلادي فقيد
وان صابني الهم ربي لا يوريها

والام ماهي ترى فكره وحبن جديد
الام اصدق غلا في قلب مغليها


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر