لبا عيونك - مساعد الرشيدي

لبّا عيونك ولبّا خدّك وخاله
ولبّاالمحيّا ولبّا الليل والشّفّه

فديت عمرك بتجريحه وغرباله
لو تشربه لارض غيره والبحر جفّه

هلّي كما البدر غيضي كل حفّاله
وسجّي عن الليل لا يلهيك في صفّه

وهزّي على صوت رجف القلب وهباله
الطار قلبي وكفٍ توجعه شفّه

يا شفّة العين قبل تجين جمّاله
وجيتي ولا شفت غيرك لو رفع كفّه

كنّك لحالك حضرتي الحفل فالصاله
ولا شفت غيرك بشر يا قمّة العفّه

أنتي زعيمٍ رفع للقوم فنجاله
وكلٍ تعذّر شروبه ليلة الزّفه

وانتي بيمنى الحلا والناس بشماله
ثقيلة العقل فيك الدم يا خفّه

احيي قصيدٍ بغيت ابكي علىاطلاله
في غيرك يموت لو أحييه وازفّه

وان عوّدت للغلا غلاك بلحاله
أنتي بكفّه باقي الناس في كفّه

© 2024 - موقع الشعر