@ دنـــــــيا الــــــــشــــرابــــــيــــك @ - محمد عجيل الهاجري

علي مطر شاعر ولافيك تشكيك
شاعر وبن شاعر ماترضى العواجه

وانا محمد اكل الشعر كل كيك
اشرب بحر وغوص ونطح مواجه

الشعر ميزان{ن} ومعنا وتحبيك
حكمه وكلمه والقوافي على اجه

كم واحد{ن} يفكك الشعر تفكيك
يلعب يخبط تايهن في عجاجه

وكم شاعر{ن} يبري غليلك ويرويك
قاف{ن} ومعنا وافين من مزاجه

يابن مطر عساني اليوم مبكيك
الذيب ذيب{ن} ودجاجه دجاجه

مركاي في عالي النوايف مراقيك
ومسراي قفر{ن} مامنناس داجه

وشعلة نيران القوافي وحاكيك
وعطيك واخذ منّك صافي نتاجه

بعض الهقاوي تخلفك في هقاويك
وبعض المناوي ماتجي بيّ حاجه

تلقى الذي في داخله مايدانيك
وتلقى الذي قدرك على الراس تاجه

دنياك هاذي كلبوها شرابيك
خلت ضعيف النفس يصبح خواجه

اخذ المعاني كاش ماهن ورق شيك
من شاعر{ن} عانا وشاف السماجه

الله يجملني ويجمل معانيك
عسانا في جنات ربي انتواجه

© 2024 - موقع الشعر