سهول

لا رقص جني القصايد وابتدى نظم القصيد
وارتفع جو المعاني وانحبك در الكلام..

بعدواا اقرب خيال وقربواا ابعد بعيد
واسمعوا شعر(ن) سطابي لين عيّفني المنام..

شاعر(ن) بأول شبابه طوّع القاااف العنيد
اشهدوله خيرت الشعار واهدوله وسام..

جابها بيمناه يوم انه تولّع بالنشيد
وجنب الزلات والهفوات ودروب الحرام..

عارف(ن) ربه وابوه معلمه راي(ن) سديد
جوّد وصاته لجل يبقى الكريم ابن الكرام..

مطابق(ن) اسمه اسم جده ولا يمكن يحيد
عن طريق اللي تسمى به ويبقى له امام..

دامني ( لمحمد ابن نهيّر ) اتسمى حفيد
والله ان ابقى على شموخه وطيبه بالتمام..

يا قصيدي اشهد ان هالموقف لشرواك عيد
شاقني مدح الرجال اللي بهم محد(ن) يلام..

عزوتي ثم تاج راسي محزم الوقت الشديد
لابتي يااا لابتي ياللي تظيم ولا تظاام..

سهول مجد العز ولا قولواا العز المجيد
يكفي لاقلت سهلي .. ( يوقف لك الكون احترام )..

لابة(ن) من طيبها ربي خلقها للمفيد
في اثرها تلقى كل الناس تمشي بانتظام..

طيبهم مخلوق معهم يسري في وسط الوريد
ينطح الماجوب اصغرهم ولو عاده غلام..

جارهم داله وسالي .. مزبن الجالي الشريد
المشاااكيل الحلاااحيل الرجاااجيل العظااام..

كانها بالطيش كم شيخ(ن) غدى منهم فقيد
وكانها بالسلم..اخذ العلم.. هم رمز السلام..

(قاتلين الروم) دون الحق هم سد(ن) عتيد
عابدين الرب حلوين النبا روووس الانام..

لابة(ن) من فضل ربي كل ما فيها حميد
اسمها لوتذكره في موقف(ن) زال الغمام..

لابة(ن) تذكر وتتشرف بها ثم(ن) تشيد
صفحه التاريخ.. والعربان تخصيص(ن) وعام..

بعدها يا افكار شعري ارسلي عبر البريد
السلام اللي يليق بربعي عاليين المقام..

صافحيهم ع المعزه خد خد و اااايد اااايد
يا سلام الله عليهم يا سلام الله سلاااااام..

وارسلي اول تحياتي على ربعي وازيد
التحيه ( للزقاعين ) ..بتمعن واهتمام..

منبع الجود بزمنا والكرم فيهم مديد
طيبهم طيبااااه.. درع العز للفزعه حسام..

تجفل جباال وتهيج بحوور ثم تجتاح بيد
لا تعزوى في ( علي ) حر(ن) تضايق ثم حااام..

وارسلي من بعدها من خاطر(ن) رايق سعيد
التحيات لبني عمي هل الصيت اللي دام..

(للبرازات) ارفعيها و(للمحميد) (بجديد
خطي) زفيهااا و(للظهران) توقف باحتشام..

و(للصعوب) و (آل محلف) تحية(ن) كنها (عقيد
قومن) بحرب(ن) حمى فيها حلاله باحتدام..

واعتلي لا (لاد سلطان)بسلام(ن) ما يهيد
وارقي يم (آلاد قبان)بتحيات(ن) كراام..

والسلام اللي في صدري ينجرف مثل الجليد
(للعبيد) و(آل منجل) سقته بكل انسجام..

يا كبر حظي وانا اسمي اخره اسم(ن) فريد
لاد سهل شهمني لا صرتوا للشده حزام..

ولا على كل القبايل زود للدنيا رصيد
تستحق المدح من صنعا الى اطراف شام..

وختامها صلوا على الهادي شفيع(ن) للعبيد
كثر ما صلوا وسط مكه تراويح وقيام..

من محمد بن جارالله بن محمد آل زيد
يا سلام الله على ربعي سلام الله سلام..