اي والله اني ضايق ومرهق ومخنوق وحزين
واما بموت من الوله ولا بموت من القهر
واللي لعب بحسبه ايامي وخلاها سنين
اني على ذا الحال ياشعري لي اكثر من شهر
بعت المدينه لاجل عين!وقالو:الخافي يبين
ودفنتك بجوفي!وقالو:وش بقابك ماظهر
يامطول الغيبه ياطول الشوق مير اللع يعين
العاشق اللي عاش ظامي بين عدك والنهر
عيد بي غيابك سنه والليه من العايدين
ولاعاد عيدك يالجروح اللي بقلبي من دهر
ياصاحبي لو تعتذر عن غيبتك عذرك سمين
حبك بعد ماغبت عن عيني تمادى وازدهر
من يوم شفتك والنعاس بعينك النجلا سجين!
ومن نفس ذاك اليوم وعيوني سجينه للسهر
علقتني بالضحكه اللي تسبق الغمازتين
وتركت لي شاعر كتب فيك القصايد واشتهر
سيلت دمعك واستباح الدمع ستر الياسمين
وعلمتني كيف الندى يجمل خدود الزهر
ليتك عقب ماغبت غيبت اشتياقي والحنين
او ليتني ماقد دفعت احلام عمري لك مهر
وياصاحبي لاعاد تنشدني عن الحزن الدفين
اقسى الطعون!الطعنه اللي من حبيب وفالظهر
تمت الإضافة بواسطة :فهد الخرجي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين