الجوهره

من شأن خاطر عين تكرم مدينة
هذا مثل معروف والعالم أجناس

لأنسان جوهر والجواهر ثمينة
والجوهرة مطلب كثير(ن) من الناس

كان الجواهر في يدين(ن) أمينة
لو طالت الايام مالحقها باس

وانكان ضاعت يشهد الله غبينة
من يهمل بعقد الجواهر والالماس

لي صاحب ماشفت في الغيد زينة
أعضا الجسم باقي العذارى وهو راس

ماشفت والله مثل خده وعينة
في العين والا دبي والا بني يأس

صارت علاقة حب بيني وبينه
علاقة(ن) شيد بناها على ساس

علاقة(ن) طالت وصارت متينة
ماغير شوف وحر جوف وتغطراس

والى تكلم كل كلمة رزينة
زود(ن) على ثقل العقل مرهف أحساس

اجيه وارجع ما المس الا يمينة
ولا باقي الا اطوي الرجا عنه بالياس