مسا البارح - محمد بن ساقان

مسا البارح على ذكراك يالمجحود .!
خذاني ل وين مدري بس يالشاقي

تمايل بي على ردون الورق عنقود
وقمت آهش حبري واخنق اوراقي..**

أدورني على وجهك وانا مفقود..!؟
وألاقيني هنا باقي بلا باقي...!؟

تذكرني ب سيف الله والأخدود..!؟
ليا من ضاق صدر الحق ب آفآقي ..!؟

بياضك من ورى عبس الليال السود..!؟
يصب النور في عتمة سما احداقي

وتراتيلك على صهلة هبوب النود..**
تدك الخوف لا نفنف على اعماقي..!؟

وسماحت وجهك الطاهر لنا ياعود..!؟
يبشرني ب طيب الوقت لو ضاقي ..!؟

اشوفك طود لكن من يشوفك طود..!؟
يموت ب قيد.. انت انسان ارهاقي..!؟

أسد ليه الزئير وما معاك اسود..!؟
تضيغم ب ايش وانت ب كف انفاقي..!؟

تمخلابك زئيرك والزمان قيود..!؟
وتغشواك السواد .. ولاح براقي..!؟

يسريني نحيبك لاصرخ مضهود..**
من اصحابي وسيّد زمرة اعراقي..!؟

وثرت ب لا اله الا هو المعبود..!؟
وثار من الغضب ثلثين خفاقي..!؟

على دهم المهار ونفحة البارود..**
اسوق الموت فيني ما انثنى ساقي..!؟

تعبت اغمض عيوني ثلاث عقود..!؟
وانا ما عادت اخلاقي هي اخلاقي..!؟

يعود العز ولاّ ياعسى ما يعود..**
ما دامه يا 100 مليون مافاقي..!؟

نبيع من الكرامه 1000 والمردود ..!
وجع 50 واعراقي وش اعراقي..!؟

اجل ما عاد به شيٍ لنا ياكود..!؟
نسوق الموت والباقي على الباقي..!؟

© 2024 - موقع الشعر