الرديه .. بيني وبين الوالد

مساكم الله بالخير جميع ..
أنا غبت عن الوالد فتره لبعض الظروف ..

فأرسل لي ثلاث أبيات .. الوالد ليس بشاعر
ولكن أنا في خاطري وأي شخص تجيه من والده

رساله يعتبرها شي كبير ..
قال ..

ياطير ياخفاق ود المراسيل
وأحمل سلامي في جناحك وشله

أمانتك لاجيت ذيب الرجاجيل
في مجلس(ن) كل النشاما تدله

حب الخشم ثم قبل الراس تقبيل
حبة غلا وإخلاص من والد(ن) له

فرديت له بهذه الأبيات البسيطه ..
ياهاجسي وين الشعر والمواويل

أنا أشهد إن القاف قد حان تله
هات القصايد والليالي مقابيل

ولا تظهره لامن غدا فيه خله
جاوبني الهاجس وفي تالي الليل

قرب لك أقلام(ن) ودفترك فله
قلت أبشر وفزيت وأوقول ياويل

ياويل حرف(ن) يبتعد عن محله
يامرحبا وإعداد وبل(ن) هماليل

وإعداد ماكتبت حروف المجله
يامرحبا فيها من البن والهيل

أسوقها دله ودله ودله
أسوقها سوق الطحاطيح للخيل

للي علوم المرجله غايت(ن) له
حلحيل نسله من سلالة حلاحيل

رجله على درب المراجل تدله
ياطير بدل بالمراسيل تبديل

وإحمل كلامي فوق سحب(ن) مطله
وأحمل معاه الطيب ميل(ن) بعد ميل

وقل له ألا ياجعل راسي فد(ن) له
وسلامة الجميع