يا زين ما ترحم - محمد احمد السديري

يا زين ما ترحم لحي ترجاك
ومن العنا والحب باسمك يناديك

ربيع قلبه شوف زولك ولاماك
وبالحيل يا مركوز الانهاد يغليك

ياما سهر طرفه وياما تمناك
ويفز قلبه كل ما سمع طاريك

وحياة من صور جبينك وسواك
انه بغالي مهجت الروح يفديك

يشفق عليك ويرخص الروح لرضاك
لو تطلبه روحه يطيعك ويعطيك

من الجامل اليوسفي ربك اعطاك
وسبحان رب في جلاله مسويك

كانك تخاف من العقوبه بدنياك
لياك تنسى واحد مولع فيك

بالله دخلني بظلك وبحماك
لعل خلاقك يظلك وينجييك

ان كان شفتك ماشي مع دناياك
دايم وعيني يا عشيري تراعيك

اصد يمك معجبتني حلاياك
وان غبت عيني ترعويلك وتبكيك

ما تثمن الذره حياتي بلياك
وان غبت قلبي راح مني يباريك

يا عمير زاد الوجد يا عمير ابنخاك
وش حيلة اللي باح صبره ويدعيك

يا عمير يالبراق مانساك مانساك
للجود يابن الجود للجود ناخيك

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر