راع النمامة بينات مواريه - محمد احمد السديري

راع النمامة بينات مواريه
يالله يللي كل حي يراجيه

يللي بما يخفى على الناس علام
يا من دعاه ايوب من جور ما فيه

ونجا الخليل وذل عباد الاصنام
تفرج قللب كاثرات طواريه

تارد همومه بالحشا فرد واتوام
لو صاح باعلى الصوت يمة مناديه

ما ينتبه فكره بجو الفضا حام
ما ينتبه من جاير وسط خافيه

زود عناه وشتت افكاره اقسام
كن السعاير بالضماير تحاضيه

ومن العناكنه على كير فحام
عزى لمن كثر الروابع تناجيه

ان هام شرق ادوى على نقرة الشام
وبالغرب كن معالج القلب يدعيه

وعينه بنجم سهيل يوضي بالاظلام
العبد يم الخير ربه يمشيه

ان جاد حظه بدل المشي درهام
ابوصي اللي ما لقى من يقديه

وصية تبقى لناس بالارحام
وصية بيضا تكاشف معانيه

فيها الدليل لنايم ما بعد قام
بيتك عن الانذال بعد مبانيه

وقبلك ذياب الخيل عن ديرته شام
وبالك رفيق السو حذرا تباريه

ونظف حلالك عن حلال للايتام
ولا تلحق المقفي عبار ومشاريه

انسه ولا يلحقك لومه اليالام
ومن لا تحمل زلتك لا تصافيه

خله ولو انه لرفقتك عزام
وراع الخيانه بالخلا لا تخاويه

ما ينو من قلبه على الغدر مريام
وراع النمامه بينات مواريه

تلقاه عند مدور الحكى خدام
درب الردى ماشيه والحظ مهفيه

اسود ولو ثوبه جديد من الخام
ياكل عروض الناس وابليس مغويه

عن السفر ممشاه بدروب الاظلام
ومن لا يبش بوجه ضيفه وعانيه

ياطا دياره ما وطى ديرة أدهام
رافق عديم جاذ باته مجانيه

مجرب يضحك حجاجك اليا قام
زعلك يزعل منه ورضاك يرضيه

تلقاه ذخر بالليالي والايام
اللي بعد وانك تكاشف مصاطيه

يجوز له يا مدور العرف الاكرام
هذاك ملزوم تعزه وتغليه

خلك لحاجاته سريع ومولام
قولوا لزبن اني على البعد ناخيه

يشوف منيوب على الكود كظام
يشوف من حر السمايم تصاليه

تجددت شكواه عام باثر عام
همه بصندوق الضماير مخفيه

ومعود قلبه على الكود جزام
شاف الحصيني ما تنات علابيه

وعلى رقاب الحصن ياطا بالاقدام
سبحان من بالكون مكن عراويه

ويقدر بغمضة عين لعراه صرام
بحسناك يا مرجع ليعقوب غاليه

تكتب لنا حظ يذعذع بالانسام
© 2023 - موقع الشعر