يا ركب يا مترحلين مراميل - محسن الهزاني

يا ركب يا مترحلين مراميل
مجهول منجوب الفدافد عجافي

فج المرافق كنهن الهراقيل
لين المقاود ناحلات الخفافي

من سبعة اعوام وهن كنس حيل
ما لمسن عن سوج عوج الضلافي

ومعفيات عن شديد وترحيل
دوارب في طي نشر الفيافي

هجاهج يستتبعن المخاييل
ولا شك إني لاين يوم وافي

حامي هجير القيظ يلجن بظليل
فيهن عن كثر التزعزع يرافي

يا ركب لي بارسان روس المراسيل
عوجوا مقاودهن لين ازن قافي

تحملوا ملفوظ منظوم ما قيل
عفص وزاج زج في صفح صافي

من ميم حا سين ونون بتسجيل
بمنمق ما به عن الكل كافي

ومنمق بازكى سلام وتفضيل
وزن ينزه عن نبا كل جافي

أبهى من الياقوت واحلى مناويل
واعذب من السلسال بين الأشافي

ما هزت الارياح غصن بتذليل
أو عد ما طافوا بوسط المطافي

وما سعى الساعي بكاس الفناجيل
في معشر ما عن صفاه انصرافي

وما يسايل بالبكا عبد ما سيل
أو ما وجد حرمي لحم الأشافي

أو ما رماني بالعيون القواتيل
غرو جفاني والغرام التجا في

وتحيتين ما قطعن المساييل
تغشاك يا ريف الهجاف العجافي

إلى ميم حا ميم بدال التماثيل
أمثال من مثلي لمثلك ولافي

أبيات عن ميل براهن بتعديل
فيهن عليك من الوله مثل ما في

فان كان يا مكدي السبايا إلى قيل
سيل محل الجود واكهاف هافي

تشكي الجفا من لابسات الخلاخيل
نجل العيون معسلات الأشافي

الفاضحات بحسنهن القناديل
والنافحات بحليهن الرعافي

إن بلبلوا حالك بدز المراسيل
فلا وعد بيض الثنا بوافي

إصبر لصبري يا سناد النزازيل
يا ماجد مجده على الضيف ضافي

جسمي دنيف يا شقا الضد ونحيل
والعقل مني بان فيه اختلافي

من أهيف غض بحسنه تهاويل
والخد كنه بدر الانصاف صافي

عرفه سواة الليل غاد عثاكيل
له فوق منبوز الرداف ارتدافي

نوحي على لاماه نوح البلابيل
والدمع له من جوف عيني تقافي

وإلى بغا ما عاد بالعين تبليل
وشعور فرقا زين الاعطاف ضافي

دور لمضناك الغزال الذي حيل
قد فات عنك وبان منه التجافي

أسوق فيه الحال والمال ونخيل
وادي المجامع نازحات المشافي

ومن الذهب يا قرة العين وان قيل
هذا قليل زدت لام وكافي

وختام منطوقي صلاة وتهليل
على النبي المختار ما شيف شافي

***
© 2024 - موقع الشعر