مريت واومى لي بروس البناني - محسن الهزاني

مريت واومى لي بروس البناني
طفل ضحى له جوف الاظعان صادفت

لو ان علام السراير هداني
يوم انه اومى لي بالاصباع ما وقفت

وادهشت واختزيت من شن غشاني
من حسن خدود صافي البها شفت

القامة اللي كنها الخيزراني
يا طال ما لينت قدم وعطفت

نهار له داعي المحبة دعاني
وارتادني لوصال شفه وساعفت

من عقب ماني ميس منه جاني
عليه تفت كابع فيه قلت افت

قال انتبه إن كنت للورد جاني
واجن الثمر يوم انني لك تطرفت

إغنم وقم واجن النمش من اوجاني
جزا لما لي لجوف الاضعان وقفت

شديت ردنه واصلح الترف شاني
بالحب والتلميس والتل والعفت

ومن الثنايا اللي كما القحوياني
لله در انياب شهد ترشفت

ومن خده اللي نقش بالزعفراني
شميت ريحانه وللورد قطفت

واضحيت واخضرت جوانب جناني
واحييت والا انا على الموت أشرفت

روق وصاله لي عقب ما جفاني
وارتادني من عقب ما للهوى عفت

يابو ثمان واربع من ثماني
في تلف قتل ارواحنا قط مارفت!

لا تحسب اني يا عريب المجاني
ناسيك لا واركان حج بها طفت

أو تحسب ان النوم بعدك هناني
مع طيب مشروبي ولذ الكرى عفت

بالهون يا من بالتجافي براني
لمتيمك يا زين ما قط أنصفت

من محنتك يا زين ليتك تراني
في ضيقة يا زين ما بي تلطفت

ما للشقي يا طربتي منك اماني
ويش الذي حدك لقتلى ترحفت؟

الله لحد سهم الجفا منك باني
على وليف دوم لاعضاه نشفت

عذتك بأسما سيدي والقراني
عن شر ما تخشاه وعن شر ما خفت

لو رمت صدى يا حسين المعاني
وبالهوى بلشتني به وعرفت

لو يعتري جمع الملا ما اعتراني
ما أظهروا لومي ولوني تنتفت

لو كان عابد يعتني ما عناني
أعناه لو شاف الذي أمس انا شفت

معذور انا لو أبيض اللون باني
أو إنني للناس بالحال شرفت

© 2024 - موقع الشعر