انا كل ماهوجسة والعالمين رقود
تهيض هواجيس(ن)ورا الصدر قاهرها
لياناحرن مثل الضمايا وجن ورود
تخيرت فيها مااشتهي قدم اصدرها
الا يالله اني طالبك وانت راع الجود
تغفر الذنوب ومنك الارزاق تامرها
انا يوم اشوف العايدي والنياق السود
مااغبط التجار ولا تمنى تجايرها
ثمانين تكفيني مابيلي وراها زود
زيان الوجيه اللي حداد(ن)نواظرها
خوات وفحلها ماعطوه التجر مفرود
على اربع جدود(ن)مسلسل من نوادرها
خلقها جليل الملك الواحد المعبود
يبى يبتلش راع النظر في تخيرها
لابكر الوسمي ترا بارقه يقود
تراووهل البل رايهم في محادرها
تهلع مع العكين والمشقر الماكود
توطا مجزل لين هلت عبايرها
تلاقت على الصمان من كل وفد ورود
يبون المشاتي والخباري تباشرها
بعد سجة المرباع واصرم خضار العود
تنسل وبرها والهيافي تناقرها
نوو بالشديد وجلعوا باالبيوت السود
تلافح بزينات الجنايب عشايرها
جذبها جنيف(ن)سيل الضلع والنفود
تهشم على ذيك العروق ومغادرها
يساقي رقايب نجد ومن الركا سنود
على الهضب سيله والمهامل يفجرها
مداهيل سرفات(ن)تنوشه بعيد وكود
ضعون الشواوي ماتنوشه جرايرها
مربى الوضيحي يوم ضرب القنا ماجود
وشرد المهار اللي تحذّا حوافرها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.