أجـنــنــه ... أجـنــنــه ...!!!

ياعسى ظنٍ تهمنيّاه مغرور ٍ وغادي
ياعساه يبوء بإثمي وإن تمادى بلعنه

(( إنّ بعض الظن إثمٌُ)) قالها رب العبادي
وإن وقود النار دايم من حصاد الألسنه

ياعسى منهو تعمد يحرم عيوني رقادي
ينحرم من شوف عينه والحياة الآمنه

وياعسى منهو تبلاني ووده في بعادي
الله يسلّط عليه الذل ويّا المسكنه

أجودي ٍ / ماظلمت .. اللي ظلمني كان بادي
هو بدا مزحه برزحه دلعنه معْ شيطنه

هو هجرني دون سبه بْلاعذر وأنكر ودادي
ثم تطاول ف القصيد وغثني ف الطنطنه

إتهمني (( ليس إلا )) بس يبي يحرق فؤادي
وبالشعر وده يمارسها عليْ السلطنه

إن كتب بالشعر كلمه صفقوا له بالأيادي
لا لسانه صح والله لا ولا صح بدنه

والله إني صابرْ .. وصبري مثل صبر المهادي
بس أظن الصبر ماينفعْ معَ هالولدنه

علموه يكف عني لايتمادى في عنادي
والله إني لابغيت أجننه .. أجننه