ساحة الشعر

ما عاد باقي يا أبيض الشعر راحه
تلومني لو صرت جمره و بركان

ما في البحر غير الكدر والملاحه
مافي الصحاري غير عقرب وثعبان

مافي القلوب السود غير الشفاحه
وما للمساري غير شاعر وسهران

يا صاحبي كلٍ يلملم جراحه
معاد في وجه القدر غير الأحزان

تعبت أدور مالقيت المساحه
كل المساحه أصبحت في خبر كان

ياكبر ماشوفك من بعيد ساحه
ويا صغر ما شوفك إذا جيت شفقان

إن جيت شاعر ما نسيت الفصاحه
وإن جيت عاشق جيت مرهف وولهان

والحق وإن ماقام ينفض جناحه
بدلت ميزان العداله بميزان

لو كل كلمة تنتثر مستباحه
كان أبلشتنا شرهة فلان وفلان

كلٍ يبي يعلن علينا نجاحه
لو كان ماله قلب وعيون والسان

كلمة وفاء ماهي بحقد ووقاحه
لناس رب ولشياطين شيطان

ماعذرب الرجال كثر الصراحه
يبقى الوفاء والصدق من طبع الانسان

وإن كان ما حصلت فيها مساحه
كل القصايد أصبحت في خبر كان