يجينا عذر والا ما يجينا عذر ويش نقول
سكتنا ,, لين صرنا في يدين الناس ملعابه
نشوف السب .. والتهزيء .. والتجريح .. عرض وطول
ولا للنار شبابه ولا للخيل ركابه
تخطينا الخطا الاول وكرر يوم دار الحول
ودار الحول عقب الحول والنيران شبابه
كتاب الله يدنس ,, والرسول يسب ,, والمحصول؟!
قبلنا العذر .. في سبّة رسول الله و كتابه
يقولون العذر مرفوض ,, ونقول العذر مقبول!!
ونسمح ونتغاظى والزمان يفر دولابه
قنعنا بالمذله لين صار اقوى العزم ,, لحووول
والى منا فرِسنا ما تكلمنا ولا جابه
زمان ٍ غير ,, فيه المستحيل يشابه المعقول
وشي ٍ صار غصب وطيب لو ما نحسب حسابه
طردنا لذة الدنيا بمجد الغاز والبترول
ومجد الدين تاريخٍ مع الوقت نتسلابه
يصدق وضعنا الصاحي ولا يقنع به المهبول
نعيشه حلم والا علم لكنا رضينابه
وحنا مسلمين وجدنا سيف الله المسلول
وابو بكر وعمر واسلامنا نفنا ونحيابه
لكن اسلام كلمه ,, دون لا معنى ولا مدلول
ورسول الله بري .. ما قد تكلم به ولا جابه
فتحنا الباب للمشكوك به والكذب والمنقول
والى منه وصل حد الجهاد نقفّل ابوابه
نقول انه صلاه وصوم بس ,, وغيرها مجهول
وصلاة الفجر تبكي والصيام يقطّع ثيابه
الا يالله ترحمنا غدينا للاوادم دول
وصرنا صيدةٍ سهله وكلٍ سن مخلابه
صحيح الوضع مزري والخطا فوق الخطا مدبول
لكْن .. الا رسول الله نموت ولا صخينابه
خلقه الله رحمه وبعثه لاجل الهدى مرسول
ومطمعنا الشفاعه باذن ربي لا التقينابه
وعبّاد الصنم حطّوا لسبه فالحياه فصول
ومثواهم جهنّم غير حنا فدوة ترابه
فداه امي وابوي وحالي ومالي وختم القول
سلام الله على وجه الرسول وجملة اصحابه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.