افضل وارق مشاركه

من أساليب الأدب والأحترام
السلام أفضل وأرق مشاركه

السلام أفضل بدايات الكلام
والتحيه طيبه.. ومباركه

ألتزاماتي تعلق بالتزام
وكل نفسٍ من عناها داركه

كان شعري ما تعانق بالغمام
مغتني عنه ونظمه تاركه

تاركه للي لهم كل أهتمام
للضعوف أهل العزوم الباركه

يحسبون الشعر ما عنده نظام
((جني المصباح واللي فاركه))

بعضهم حدد قصيده كل عام
وبعضهم بتري قصيده شاركه

سببوا للشعر والناس أنقسام
((سرك)) ما أدري منهو أللي ((ساركه))

ولا أنا قصدي تسلي وأبتسام
قلت ما أشعر به وعقلي داركه

قلت حرفينٍ لها عندي مقام
ولي أساليبي وصارت ((ماركه))

ما كتبت الشعر لأجل آخذ وسام
وما قعدت أعقده وأعاركه

وذي قصيده كلها ود وسلام
عنونت ب((أفضل وأرق مشاركه))