لــي صـاحـب - مانع سعيد العتيبه

لي صاحب محسن قلبي به الظني
لو يطلب الروح برخصها وبهديها

والله غير ارضاه ما هوب متمني
هذا طموح الروح او هذي أمانيها

اسنين لي عاشق والعشق ممحني
يا علتي في الهوى ماشي يداويها

هاجت ضنوني او ضاع الفكر عني
او تاهت مراكب غرامي عن موانيها

ما عشت وغيري عاش متهني
نار الهوى في الهوى من هو يطفيها

ويا نسيم الصبح ارسلت له مني
لواعج الشوق ينفح طيب شاذيها

يا شيخ شاقني لك امثال واشجني
اوهزت شعوري قوافي انت منشيها

عالجت فيها الهوى والشوق والفني
ونته خبير ادروبها او مافيها

© 2024 - موقع الشعر