مــــن ايــقــاوم هـالـعـيــون - مانع سعيد العتيبه

من ايقاوم هالعيون الله دره
لي إتصيبه بالهدب يازم ينوحي

يشتكي شكوى صويب بالمضره
يرضف الونات من كثر الجروحي

لو غريج عاجز عن وصل بره
ضاع بين الموج لو شاطر سبوحي

خذني إبذيك العيون السود مره
او لاخطاني راعي الرمش الذبوحي

من صوابي في القلب حره
حرة منها الصخر لازم يموحي

والشفايا لي تزينها إبفره
لي تبسم صاحب الوجه الصبوحي

والثنايا كالبرد لو نوع دره
والخدود ابروق مزن لي تلوحي

والمعنق سولعي في ميره
في مفاليه الزهر عطره يفوحي

في مشيته هايف الخصرين يره
لي مشى إيتوح اجدمه بالهون توحي

لي جلس بين الغواني ما يضره
كالبدر لي كامل نوره وضوحي

من نظرته فز قلبي من مقره
مثل طير خافق إبكل الجنوحي

باللطافه ماخزني والمسره
خشف ريم في طباعه لي مزوحي

لي مواظب بالوصال المستمره
سيدي لي في غرامه لي نصوحي

ساطي في وسط قلبي مستقره
هو حياتي لي بها أحيا او روحي

© 2024 - موقع الشعر