على وجهي تباشير الفرح من ليلة الاثنين
عسى ليل التباشير يتلطفبي ويلفيبك
كبير المنزله..عدم الوصايف.. قبلة الحلوين
انا الله لا يعاقبني خطير اجهل ولاسيبك
تعال و رد روحي يا بعد روحي وشفني زين
على جمر النوى ماغير اطالع في مكاتيبك
تعال الله حسيبك لا تهمك هرجة الواشين
تعال وزورني قدم الملا والله لاهليبك
هلابك والعطايا حاتميه.. والعمر يومين
هلابك والخفوق الدار,,, وعيوني معازيبك
هلا ما هي تقال الا علشانك يمين ودين
وحمامات الرسايل ما تهاجر غير.. تاتيبك
غظيظ العود سيد الخود واحد ما معاك اثنين
ابد ما يشبهك غير المرايه يوم تظويبك
مراية غرفتك يا لعنبوها ما تملك لين
تروووى من جمالك ثم تبرى من عذاريبك
حبيبي ما هجرت الناس قاصيهم ولا الدانين
وصافيتك ياكود اثبت لعينك ويش ترتيبك
اغني بك من اول ليلة الاثنين لين الحين
وانا من لامني لا رحت اسولفبك واهذريبك
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.