في تركي الميزاني

مع نفحة الياسمين والعود والند
بلون الزهور اللي نمت في الخميلة

وتحيةٍ عطرة بالاعجاب والود
ياتركي الالفين راعي الجميلة

اشكرك ياتركي وشكري بلا حد
بإسمي وبإسم مطير كل القبيلة

ياشاعر المطران يامعرٌب الجد
من دون مطرانك ركبت الاصيلة

يالشاعر اللي لو حضر مفرده سد
لوكان قدٌامه جموعٍ مهيلة

ياشاعرٍ في كل يوم يتجدد
ومواقفه لمطير ماهي قليله

شمخت بالقلطات. وأشفيت بالرد
وفيت ياراعي الوفاء والفضيلة

اشهدلك. وكل المخاليق تشهد
سيفك كسر كل السيوف الصقيلة

لله نرفع شكرنا ونتحمد
رفعت روس مطير في كل ليلة

ولعبت بالشعار. وتفدٌهم فد
ذبحتهم بالمر والحنظليلة

تسحب بساطٍ تحت الاقدام ممتد
تركتهم تحت. ورقيت الطويلة

وأثبتّ .هالشعار.ماهم بلك قد
تمطر عليهم مثل وبل المخيلة

هم واصلين لحد. وانته وراالحد
وقفاتهم مع وقفاتك مستحيلة

وعلمتهم. وشلونه البني والهد
وعلمتهم. كيف البيوت الجزيلة

وذوٌقتهم من ردك المس والشد
وردودهم مع جنب ردك هزيلة

كشفتهم بالجزر واغرقت بالمد
وأبعدت عن درب الردى والرذيلة

كم واحدٍ يسري دموعه على الخد
وكم واحدٍ يونس بكبده مليلة

وكم شاعرٍ عصٌب. وجاك يتهدد
من بين جمهوره رجع بالفشيلة

وكم شاعرٍ عوٌد عليك يتودٌد
من قلٌة الحيله. يبيها وسيلة

وكم جاك مغرورٍ. طغى ويتهبٌد
سمع حصيلك. صار ماله حصيلة

يشوف لك. جمرٍ حمر. ويتوقٌد
ونارك سوات الشمس وتشعل شعيلة

وخلٌيت جمره في دقايق يرمٌد
وتضرب قنابل للمدامع مسيلة

عساك في كل المحافل تواجد
تقهوي الشعار بالزنجبيله

والعذر ياتركي. وتحيا وتسعد
إن جاء قصورٍ. في بيوت العضيله

العضو:: فهد الخرجي