تعال وقلها - قناديل نجدية

تعال وقلها في وجهي وقل تبي ترحل
تعال اشوف نظراتك صدوقه أولعب بيه

لأني وقتها باضرب بوجهك بابي واتمرجل
واقول ان كنت ناويها وراك تبيت النيه

وراك تهدد بفرقى ابيها والزمن طول
وطالت حوبتي بحظي معك والعين معميه

عماني الله لين ازريت اشيل من الحمل واسأل
متى بافارق الرمضا وارد لجلسة الفيه

متى بافارق مجالس رخوم صارت تمثل
تفرعن في شكل رجال وهي من الداخل بنيه

تقول القول وتقعد له،ولا جا الجد ماتفعل
تصدد عن مواجيب العزوم وكلها سيه

تخذلك في مواجهة الرجال وقدرها حول
ذليله حزة الفزعه ذليله مابها حميه

تمرجل بس في حطة عقال فوقها كمل
شكل هاك الشماغ اللي نسفه وقال:انا هنيه

يبي كل يشوف الزول وداخل عقله مهمل
مثل بير نضب ماها وقلة عنها الجيه

ويوم استوطنت فيها الحيايا وساسها هلهل
غدت مستوحشه تجفل جموع نياق ملفيه

وانا يوم طفح كيلي عزمت اهدمه وارحل
واصك الباب في وجه الرخوم وعزتي ليه

© 2024 - موقع الشعر