القــــــــــــــاف!! - فيصل سجدي بن ثعلي

والله لو مالي وراا القاف قافي
واحسب حساب القافي الي ورا القاف

والا اني ليا قلت بالقاف قافي
لا وقف بقيفاني على كل وقاف

مير البلا إن القاف لي فيه قافي
أقفى ويقفالي وقافي له قاف

وانا احسب لقافي واراعي لقافي
ماودي افتح لي دروبٍ على القاف

ويبين للقافي نقط ضعف قافي
واتصير عند القافي لقافي إيقاف

ماارضى لقيفاني ورجلي وقافي
يحرم على الاقدام والقاف ميقاف

وارضي بقافي شخص ماهو بقافي
واقول قافي عند من يرغب القاف

وليارضي بالقاف لو فيه قافي
ماهمني قافي ليا طاب لي قاف

لاشفت قافي مانقص منه قافي
باأقفي عن القافي وابا اقف على القاف

واصون قافي لايجي عيد قافي
واضيع مع قافي ومع قافي القاف

والقاف محصورٍ بقافي وقافي
وإختام قافي قول ياقاف قف قاف

© 2024 - موقع الشعر