راعي العله - فيصل بن طواله

الى هنا يارفيقي وأعتقد كافي
كب الصداقه وكب اللي مضى كله

تكفى مدام المحله نبعها صافي
مافيه داعي نزيد ظنوننا بله

ماهو حرام السنافي يخسر سنافي
غناة نفس البنادم ربي محله

لاصرت ياطيب الجدين متعافي
فالحمد للي يعز العبد ويذله

من كان علة نحر مرواحه الشافي
ولا يوجس العله الا راعي العله

ومن خان نفسه مع غيره مهو وافي
ومن تاه بالراي شوف العين مادله

والله ما للذي شرهه على السافي
والرجل لا غاب زوله ما نفع ظله

واصعب من الخله اللي مالها رافي
هو نفسه الرافي اللي ينقلب خله

والفزعه اللي تبي تاتي من خلافي
تنعاف لو كان مالي غيرها لله

وباكر مصير الليالي تظهر الخافي
والشمس ما تنحجب لاصارت مطله

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر