البرتقاله

خلاص انا ناوي على تغيير تفكيري السقيم
وعزمت اغير منهجي مادام عندي الاختيار

بفصل الثوب الجديد وبرمي الثوب القديم
واغير اصحابي اذاما طاوعوني فالخيار

قرار جد ومنطقي وجاي فالوقت السليم
عصر انفتاح ..وفرصه الواحد يغير فالمسار

اللي يفكر فالغنم والبل ..عايش في جحيم
وان قال اساميهاتشوف بزفرةأنفاسه غبار

حتى قصايد(ياوجودي )(هب ذعذاع النسيم )
و(الجمس الأحمر)ماتوفي بالغرض و (الفكس آر)

ماعاد تنفع وقتنا الحالي وذا منطق حكيم
الحين صارت شمس (روبي)واضحه مثل النهار

اقوى مغني فالعرب(شعبان ابن عبدالرحيم)
و(البرتقاله)تعتبر فيديو كليب الانبهار

صار اهتمامات البشر (دي جي)..وتشغل(حكيم)
عمار يامصر القديمه مع جديدتها .. عمار

اتفه مغني عندنا ..هو صاحب الفكر القويم
تصريحه الناري مثل .. يلقى معزه واعتبار

شبابنا شبابنا راحوا ورى ليلٍ عتيم
باعوا اصالتهم برخص وغيروا نهج الكبار

الوقت ضايع والبطاله فعلها فينا مقيم
اكبر مشاغلنا (مسج )ونرشح (السوبر ستار )

هذي حضاره ما تجملنا وذا واقع أليم
وين المبادي والقيم ؟ !! وين المعزه والوقار؟ !!

في هالزمن ما عاد تعرف من كريم ومن لئيم؟
في هالزمن كلن توجه باتجاه الانحدار

عادي اذا شفت المطر في هالزمن من دون غيم
عادي تقبلها.. ترى النيران تبدا من شرار

الله يثبتنا على نهج الصراط المستقيم
والله.. يحسن خاتمتنا في زمن صاير دمار