يخـــــــــت الغــــــــــــرام - فيصل الوعيلي

انا والهم والغربه وحب ٍ فاح ريحة هيل
تلاشى حبنا وانتي رميتي الحزن بااحضاني

ظلام وخوف وأحزان وهموم وشمعة القنديل
تخاوينا على يخت الغرام وصرت ندماني

مجاديف الغرام ويخت حبك مع ظلام الليل
ورياح الشوق تلطمني وموج الحب سراني

شراع الوصل متراخي وشين الحظ هد الحيل
ومسافات السفر طالت واشوف الموت بااعياني

وليل ٍ معتم وموج ٍ جمح يمي جموح الخيل
وعواصف حبنا ثارت ونا باليخت وحدااني

وحزني يقتل افراحي بداية نقطة التحويل
على هامش ملفاتك لقيت اسمي وعنواني

وصار الحزن يملكني وحزني طافح ٍ بالكيل
اجامل وابتعد عنه وجاوب حيل يهواني

رحلتي يابعد عمري وطبعي ثابت ٍ مااميل
ونا في يختنا تايه ونار الحب تصلاااني

لقيت ان الحزن كسر ضلوعي والزمان إبخيل
ولقيت ان الزمن ياخذ حبيبي بعد مااعطاني

ولقيت ان الغدر ينفخ بفمه شمعة القنديل
ولقيت ان الزمن مهما وفالي صار خواني

رفعت الرايه البيضاء وبحر الشوق فيه الويل
ياانك تعبر اطرافه نجاه او طحت غرقاني

© 2024 - موقع الشعر