يابوعلي

يابو علي واللي طرالي على البال
في ذمتي علمن ولحدن درابه

الغالي اللي غيبته عدة ليال
قعدت احسب في زماني حسابه

اقول ياخلي ..ووقت الجفا طال
وقت الجفا زود بقلبي كأأأاابه

ابشرك قلبي مقفله بأقفال
ومحدن ترا والله يبي يفك بابه

لو طالت الغيبه على مر الاجيال
غيرك قسم بالله محدن وطابه

العاشق المحروم لاشاف عذال
قعد يحسب بالليالي عذابه

انا شربت من القهر مير لازال
ذكرك وشوفك بعد طرد السرابه

ياعل من حدك على الدرب ينشال
ينشال بالدنيا ونصبح قراابه

اصير انا وياك لا يابعد حال
انتا معي وانا معاك .. اتشاابه

قد قلتلك صورتلك عدة اشكال
صورتلك شين ومحدن هقابه

يابو علي والحال ماعدها حال
لاصار محبوبي يطول غيابه