قالوا لي

قالوا لي أنك تنشد قلت أبا أمرّه
نشدتك عنّي شرف ياطير حوراني

أنت الفخر والمشاعر منك مسترّه
أرض سقاها الحيا من غرّ الأمزاني

أصلك فخر من فخر حضره وأهل برّه
متسلسلٍ من شرف وايل وعدناني

أنا مع أهل الوفا لي نظرةٍ حرّه
مشاعري فيه تامرني وتنهاني

ماني بطايع المشير ولا أتبع الجرّه
إلاّ ليّا صار لي في دروبها شاني

أنا رفيق الوفا والكلفه المرّه
لو آخر الناس أجعلها بميزاني

كم كلمة لو قلت ماتازن الذره
يلقابها صاحب المفهوم نقصاني

أقولها مره وآخذ بها كرّه
لا جالها مع زبون السوق ميداني