ياطير

ياطير يافرخ الحمام
غرَد ليا هب النسيم

سلَم ورَد من السلام
من الخليج الى القصيم

سلَم على الربع الحشام
ربعي هل الفعل القديم

أهل المواقف والمقام
والطيب والرآي الحكيم

وأترك سفاسيف الخمام
من كل مغبون ٍ غشيم

يشقى الكذوب مع الغرام
يمشي على سيل الحميم

ماعاد يلحقني ملام
عاذرني الرجل الفهيم

الطق بالميت حرام
مالي قبيل ولا خصيم

لو حذفوَا شين الكلام
تستروا مثل الحريم

والبوم يسري بالظلام
من الذل ينعق بالعتيم

واللي جرح نفسه وهام
تبع ٍ يضام ولايضيم

أكيد في وجهه وشام
ماهو نظيف ولا سليم

الضد لو يبني خيام
يرحل وأنا شعري مقيم

شعري عليه إسمي وسام
مكسب نديم ٍ من نديم

يمضي مثل حد الحسام
يجرح ويشفي له سقيم