ياخضير

ياخضير من كثر السّهر ما اقدر اشوف
يومين والثالث مضى نصف ليله

عفت الكرى من هاجسٍ يطرق الجوف
خيّم على قلبي يروح ويجيله

ياخضير حدّتنا المقادير لظروف
مقضاة حاجه بسّ اهلها قليله

من جيت قدّم لي معاذير وحلوف
واللّي هقينا به عرفنا حصيله

وصل الخبر منهاه ياخضير وتشوف
ورّدت للبارود نار الفتيله

خبّرت من تنصاه شيخان وضعوف
شيّال حمل اللّي عجز مايشيله

امجربّه بالطيب ماني بموصوف
رفيق دنيا من سنينٍ طويله

مازيف الرفقه على شان مصروف
ولاعشت مع من طاب حظّه يجيله

لابد ماتخفيه الايام مكشوف
ان كان عشنا فالليالي طويله