سـود اللّيالـي

سود اللّيالي حدثها ماينسّيني
ماني بتبعٍ حدث ماضيه ماهمّه

ماني رديٍّ ولاني من ردييّني
والطيب محدٍ قفل بابه ولا كمّه

من روس ربعٍ مواقفهم تهقويني
حبل المواريد مايقصر عن الجمّه

أفخر بربعي ليا قالوا حماديني
يوم انّ ساس الردي يكره بني عمّه

اللّي غرس حبّهم طبعي وتكويني
فرضٍ على الروح مثل الدين والذمّه

فكري على المنهج الطّيب مقدّيني
يوم ان خطوا الولد يتبع وصاة امّه

المشتبه ما يجي دينه على دين
يساس الردي والبخيل وناقل النمّه