يا خاين الوعد - فرحان الراشد

يا خاين الوعد ما أنته كفو أنا أجيلك
وأنثر قصيدي لأجل خاطرك وأشقابك

وأسمعك آخر أبياتي وأغنيلك
وأجرح خفوقي وأزيد الحب لطيابك

يومك طعنت الجريح وزدت تهويلك
فيني وحطمت قصر الود بسبابك

ونسيت كل الهوا وزادت مواويلك
ثم بان منك الغدر ملعون من جابك

وبانت حقيقتك يحليلك ويحليلك
تبغاني أرجع ووقفلك على بابك

يا هو قلبي نهرته وما يناديلك
ولا يتحرى قدومك لا ولا يهابك

برخص مقامك وياويلك وياويلك
مني وتشوف شيء يجرح اهدابك

وتهل دمعك علي وتصرخ ابليلك
وتموت والله قهر وتقطع اثيابكة

ومن بعد هذا قسم لزيد تذليلك
وأنسفك وأنسف بعد معاك أصحابك

ومن بعدها أصد عنك وينتهي حيلك
وتبكي دموع الندم تبكي على أحبابك

ويا خاين الوعد خذ هذي مراسيلك
وكل الهدايا كرهت الحب وعتابك

ولا تحاول تجيني لا ولا اجيلك
ولا تفكر أبد فيوم أحيابك

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر