اشـبـال

اشبال فيهم لمحةٍ من مواريك
قوّة عضودك عن شمالك ويمناك

يا الله عسى فيهم تحقّق أمانيك
وتشوف منهم ما يسرّك من امناك

على التّعاضد ينعقد رايهم فيك
ويمشون في الخطوه على سير ممشاك

الخير فيهم و الأمل دون تشكيك
فراسةٍ تغني عن اعلوم لافلاك

حمدان مع راشد ومكتوم يرضيك
طبعه وماخذ نسخةٍ من سجاياك

واللّي على فرحة قدومه نهنّيك
احمد عسنّه في مساعيه شرواك

له أنورت لاوطان واسترّ غاليك
زين الصّفاة اللّي على زين لاسلاك

النّاس تبهج بالفرح من تبهّيك
والشعب من حبّه يلجّيك لابراك

عمّ السرور وكلّل السّعد ناديك
في الوصل واللّي في الامارات هنّاك

لا زلت في مدّة يدٍ عند باريك
درعٍ من التّمكين بدّد به أعداك