تخـتـال عيـنـي

تختال عيني جملة اريام
ما بين غرس أو عاضد الموز

ويلا عجيد الرّيم قدّام
لي بالغوى والحسن مفروز

لي في الغواني مثله أعدام
بين الذّهب شتّان والرّوز

فالي عسنّك دايم اصدام
وانا ابفالك دايم آفوز

وقفت كنّي ماسك الزّام
لك احترام أوفيّه احفوز

في شوفة الخّدام لعمام
وانته بهذا الشّان معزوز

والاّ فانا في همّ واسقام
إتبات لي في يوفي اكزوز

مقدر اعاتبكم ولو دام
هجرك وضيقي بالغ الحوز

ولو مرّ بي عامٍ ورا عام
رضيت به لو كنت ما يوز

كم ابعدتني عنك لايّام
وانا مقيم ولالي أخوز

أسآل عنكم برد لانسام
وارتاح به لو كنت مفلوز

عشتوا بخير أوسعد وانعام
ضافي عليكم حفظ وحروز