افـواد خـلّـي

من طيب خلّي يابت انفوح
نسناس من شرتا الشّراجي

مدري عليّه تبحث الصّوح
ويذوب لي م القلب باجي

افواد خلّي دوم مشروح
ما يفتكر في حال شاجي

أرمانيه من عالي اصروح
ويبست ما بين المراجي

وبقيت في جسمٍ بلا روح
هل كيف يبخل في علاجي

كنّي غريجٍ في بحر نوح
لو في السّفينه هوب ناجي

يا قايد الغزلان لسروح
يلّلي شراتك هوب لاجي

يالجيون اللّي وزنه ارجوح
حرام تجتلني امفاجي

منّي ملكت العقل والرّوح
بالطّيب يا حلو المزاجي

دوبي عليك آصيح وآنوح
وانته ابكيف وإنس داجي

امريح من مابي يممدوح
وانا دمع عيني سواجي

خلّيتني بالصّد مطروح
عليك حقّي واحتجاجي