تعالي نثور - فالح بن عاتق الحارثي

تقول اصبر لعل الجو
يصفالك ويصفالي
وأنا صبري معه ضاعت
سنيني والعمر غالي...
وليه أصبر
وأنا قادر
أطوع مهرة أحلامي
وأشتت غربة أيامي
وأفجر أنهر الأفراح
وأروي قلبي الظامي
تعالي نعكس المعروف
ونكشف عن ليالينا
تعالي نكسر المألوف
ونفضح كل ماضينا
ولا ماضينا غير الحب
نظرة وعشقت نظره
وقلب ارتاح له في قلب
ومده كونت عشره
تعبنا نحلم ونحلم
وواقعنا..
أبد بالأمر ما سلم
وكل ما ينتهي موعد
نخفي كل اثاره
نخاف الناس لا تعلم
وتكشف سرنا ونموت
إذا ليل الجفا أظلم
نوصي العين لاتدمع
نوصي القلب لا ينبض
بشوق وعاذله يسمع
لأن المجتمع ينظر بشك وريب
وما يرضى
سوا بالكره والبغضا
ويعلن في العلن والغيب
كل شي في الهجر مسموح
وكل شي في المحبة عيب...
تعالي نبحث اللي صار
دام المسألة صعبة
متى كان الهوى لعبه؟
واي انسان
ما هزه شعور الحب؟
إلا اللي بليا قلب
بليا شعور
تعالي في طريق النور
تعال نثور
ترى عهد الجهل ولى
ومحد مجبور
© 2024 - موقع الشعر