يوم عيني خايلت براق خده - غير معروف

يوم عيني خايلت براق خده
والمنايا يوم سلهم فالمحاجر

لاتعد الكسر عقبه لاتعده
راح مرواح البصيص عند فاجر

جادل ٍ سلك البريسم دق قده
ليا تمايل قلت غصن ٍ جال حاجر

شبه وضحاً رعوجت يم الموده
يوم صاح لها على مليا الحناجر

النحر مليان والمثناه نده
والنهد رمانة ٍ في غصن شاجر

والجديل يطير واليسرى ترده
كل ماهب الهوى قام يتشاجر

كل ماومت مع دجا المجدول يده
لاح في ليل الشعر برق البناجر

وأنا مالي قوة عن صد وده
وياعسى من صد وده مايواجر

وربي اللي يامر الشر ويضده
لين لاح الصبح في جنح الدياجر

وأنا عنده شاكي ٍ لوع الموده
ولال عيني عن هميل الدمع زاجر

أتودد له وأشكوي له مصده
لاتهاجر ياعذابي لاتهاجر

لين جاني وإرتخا من عقب شده
ثم سقاني من ثناياه السناجر

كن طعم الريق من ثغر ٍ يمده
في لساني مثل خجات الخناجر

© 2024 - موقع الشعر