ليا حار فكرك وضاق الصدر مما بك - غير معروف

ليا حار فكرك وضاق الصدر مما بك
وضاعت مشارق علومك في مغاربها

اعنز على اللي يفك الضيق لا صابك
واترك حبال المطية فوق غاربها

و ليا انجلت ضيقتك و انفلت اعصابك
ودنياك عقب الغثا صفيت مشاربها

أولى بك انك تعود لربك أولى بك
و تخشاه في ساعة تمشي عقاربها

هذي لدينك ودينك حقه أجدى بك
وان قلت دنياك قلنا لك تجاربها

احسب حساب الرجال وتحسب حسابك
اللي على الطيب مكرمة ٍ شواربها

وعدوك البس له اغلى و اجمل ثيابك
واشهر له اللي عطيبات ٍ مضاربها

والشايب اللي تخير خالك وجابك
سالم على شانه الدنيا وحاربها

© 2024 - موقع الشعر