شمس الأحلام - فارس الساير

قل للقلوب اللي تحدك على اقصاك
إنك معي لو شمس الأحلام غابت

وقل لليدين اللي تبي لمس يمناك
ايديك نامت في يديني وذابت

لا يحترون فراق قلبي وفرقاك
اللي هقا الفرقا هقاويه خابت

حطيتك بعيني علشان ما انساك
وناديت لضلوع الغلا واستجابت

شف وشكثر هيبة محبتك لرضاك
حتى عواذيل الهوى منه هابت

حنا مشينا درب ما حوله اشواك
وحنا بيننا حب والساس ثابت

ما ننتهي لو تنتهي كل الأفلاك
ولو روسنا من جور الأيام شابت

وشلون اعيش العمر لحظة بلياك
والشوق كنه بين الأضلاع نابت

يا مشفي جروحي بشوفك ولقياك
ان رحت جات جروح وان جيت طابت

تعال جدد للغلا ثوب يزهاك
وعيد الأمل لو شمس الاحلام غاااابت

© 2024 - موقع الشعر