ياعين ليه السهر والهـم ياقلـب ليـه - علي سالم

علي بن سالم العازمي
ياعين ليه السهر والهم ياقلب ليه

والله مايرجع الانسان بعدالوفاه
انأدري انه رحل قدمي وأنا iiمقتفيه

مؤمن ولابد عمري واصلٍ منتهاه
مير الليالي تمر وخاطري مانسيه

لاني بناسي ولاهو حي وأرجي لقاه
في كل ليله وعيني كنها تحتريه

اسامر الليل كني واقفٍ في حراه
اسج وأوحيه يزهمني وألبي وأجيه

وافيق من سجتي وأذكر ليالي عزاه
وشلون أبأنسى واناللي كل هاجوس فيه

حتى وانا في منامي خاطري ما نساه
والله مأنساه دايم رحمة الله عليه

وحياتي اللي بدونه مأعتبرها حياه
وش هي حياتي مدام أني مأقبّل يديه

وابسط يديني تحت رجليه واطلب رضاه
وش قيمة العمر ويش اللي بعده ارتجيه

لاصارت سنين عمري ما توفّي جزاه
مليون رحمه على هاك الجبين النزيه

وقبرٍ سكن في حماه الله يطيّب ثراه
يالله وأنأرجيك يبعث مع كرام الوجيه

مع صفوت الخلق يامن لاتقطّع عراه
تحت ظلالك وبالفردوس تحسن إليه

في موقفٍ تقفل ابواب الدعاء والصلاه
لاجا نهارٍ يفر المرء من والديه

نهار ما ينفع الانسان مالٍ وجاه
يرجيك من يطلب الغفران لأمه وأبيه

عبدٍ رفع لك يدينه لاتخيّب
© 2024 - موقع الشعر