كل ما ذعذع من الغرب ذعذاع الهوى

علي بن سالم العازمي
كل ما ذعذع من الغرب ذعذاع الهوى

شاقني من ضيقة البال حزمٍ مستوي
اتحرى به هواجيس والقى به دوى

للهموم اللي بقلبي طوت حالي طوى
الهموم اللي من سنين منزلها سوى

الضحى تشري وتبتاع واليل سروي
من مطاولها على النار جاشي ما قوى

كن من بين المعاليق نيران بدوي
كل ما جرّيت ونة قهر صدري عوى

عوي ذيبٍ فارق اليل ينحاه ضروى
ما بلاي فراق غالي ولا حب وهوى

رافعٍ يمناي وأشكي على ربٍ قوى
حق وألاّ مقدم العمر صدّر ما روى

والسنين شحاح والحظ الاقشر ملتوى
اتصبّر فالرجاوي وعقلي ما غوى

مير ما حصّلت في نجد ميقاف حموي
خادمٍ في لوعة الوقت لا رتبة لوى

لين خلاني زماني وحيد بلا خوي
ومن يلوم الحال ملعون ابو جد وثوى

سايقه صافي زمانه على دربٍ سوي